Forystumenn ríkja Evrópusambandsins lýstu á fundi sínum fyrir helgi yfir stuðningi við tillögu framkvæmdastjórnar sambandsins þess efnis að sett verði á fót landamæralögregla og strandgæsla á vegum þess.
Forystumenn ríkja Evrópusambandsins lýstu á fundi sínum fyrir helgi yfir stuðningi við tillögu framkvæmdastjórnar sambandsins þess efnis að sett verði á fót landamæralögregla og strandgæsla á vegum þess.
Hollenskur karlmaður á þrítugsaldri sem setið hefur í gæsluvarðhaldi frá septemberlokum kysi helst að vera áfram á Kvíabryggju meðan hann þarf að dvelja á landinu. Þetta segir Ómar Örn Bjarnþórsson, verjandi mannsins, í samtali við mbl.is, en gæsluvarðhald yfir honum og þremur öðrum sem grunaðir eru um aðild að umfangsmiklu fíkniefnasmygli rennur út í dag.
Rúmlega ein milljón manna hefur nú komið til Evrópu það sem af er þessu ári, í leit að betra lífi. Þetta kemur fram í nýjustu tölum frá Alþjóðlegu fólksflutningastofnuninni. Fólksflutningar hafa aldrei verið meiri í álfunni síðan í kjölfar síðari heimsstyrjaldar.
Nú þegar árið er senn á enda er ekki úr vegi að líta yfir viðskiptafréttirnar sem vöktu mesta athygli á árinu 2015. Þær eru af ýmsum toga.
Hollendingur sem grunaður er um aðild að umfangsmiklu fíkniefnasmygli var úrskurðaður í farbann til 19. janúar í héraðsdómi Reykjaness í dag. Maðurinn hefur setið í gæsluvarðhaldi hér á landi ásamt samlanda sínum og tveimur Íslendingum frá septemberlokum.
Einn er látinn eftir alvarlegt bílslys við bæinn Einarsstaði í Kræklingahlíð, skammt norðan Akureyrar. Ekki er unnt að veita nánari upplýsingar um viðkomandi að svo stöddu.
Kalt er í veðri á grísku eyjunni Lesbos að sögn Þórunnar Ólafsdóttur formanns samtakanna Akkeris. Vinnur hún við að deila út fatnaði til flóttamanna sem þangað koma. Fyrr í dag opnaði hún kassa með fötum til útdeilingar þegar við henni blasti þessi sýn.
Það eru líklega ekki margir 25 ára gamlir strákar á landinu sem eiga þrjú fyrirtæki. Unnar Helgi Daníelsson opnaði pítsustað fyrir helgi og setur markið hátt. Hann sér fyrir sér keðju af ljótustu pítsaustöðum bæjarins á næstu misserum.
Íslenskar konur unnu ýmis afrek á árinu sem einstaklingar. Stærstu afrek þessa hluta þjóðarinnar árið 2015 hafa hinsvegar með glerþakið svokallaða að gera en eftir geirvörtubyltingu, túrvæðingu og almenna samstöðu ársins er það heldur betur laskað.
„Við búumst við því að það falli snjór um mestallt land á Þorláksmessu svo það eru ágætis líkur á að það verði hvít jól,“ segir Birta Líf Kristinsdóttir, veðurfræðingur á Veðurstofunni.
Héraðsdómur Reykjavíkur veitti í morgun eignarhaldsfélaginu Arctic, sem er í eigu sama aðila og á Icewear búðirnar, heimild til þess að bera út verslanirnar The Viking og Vísi á Laugavegi. Félagið keypti húsnæðið fyrir síðustu áramót og hyggst opna þar eigin verslun.
Meirihluti borgarstjórnar samþykkti á fundi umhverfis - og skipulagsráðs að auglýsa að nýju breytingar á deiliskipulagi Reykjavíkurflugvallar.
34 tegundir jólabjórs og 43 vörunúmer voru í hillum ÁTVR í ár. Úrval jólabjórs hefur aldrei verið meira en minna hefur þó selst af honum en á síðasta ári.
Eiganda verslananna The Viking og Vísis var gefinn frestur til 1. júlí sl. til þess að rýma húsnæðið. Það hefur hann ekki gert og því var farið fram á útburð.
Það eru engin mörk þegar unnið er með húmor, það má grínast með nánast allt. Í myndasögum Þórodds Bjarnasonar um kindur er m.a. undirliggjandi ádeila á sauðshátt mannfólksins og fjármálaruglið. Brandararnir hennar Ernu Mistar eru byggðir á fáfræði sem hún verður vitni að í umhverfi sínu.
„Þetta var mjög skrítið því það var mjög gott sjólag. Það var búin að vera alger blíða í róðrinum en hann var aðeins farinn að hvessa svona í lokin. Síðan sneru þeir upp í og voru að taka stefnuna að landi þá myndaðist upp úr þurru svakalegur hnútur.“
Sumar hefðir deyja út á nýjum tímum og með tilkomu nýrrar tækni en jólakveðjurnar á Rás 1 eru ekki þeirra á meðal. Ef eitthvað hafa kveðjurnar vaxið í vinsældum og í ár munu þulir Ríkisútvarpsins lesa fleiri jólakveðjur en nokkru sinni fyrr; 3.300 talsins.